Teleqraf-ın budəfəki müsahibi Namiq Mirzəyevdir. Bu ad çoxlarına tanış gəlməsə də, o, öz sahəsində yetərincə uğurlu simalardandır. Peşəsi bərbər olan Namiq bəyə müraciət etməyimizin səbəblərindən biri də onun müştəriləri arasında Azərbaycan Premyer Liqasında çıxış edən legioner futbolçuların yer almasıdır.
Publika.az həmin müsahibəni təqdim edir:
- Namiq bəy, necə oldu ki, bu sənəti seçdiniz?
- Məni bu peşəyə ailəm yönləndirib. Təxminən 15 yaşım olardı, usta yanında tələbə olaraq öyrənməyə başlamışam. Artıq 11 ildir bu sahədəyəm.
- Azərbaycanda demək olar ki, addımbaşı, hər binanın altında bərbər var. Necə olur ki, bu qədər futbolçu məhz sizə müraciət etdi?
