Birləşmiş Ərəb Əmirliklərinin OPEC-dən çıxmaq qərarı ilə bağlı yeni açıqlama yayılıb.
Redaktor.az xəbər verir ki, ölkənin Energetika və İnfrastruktur naziri Süheyl əl-Məzrui bu addımın qismən Hörmüz boğazı ətrafında yaranan məhdudiyyətlərlə bağlı olduğunu bildirib.
Bildirilib ki, BƏƏ dövlət xəbər agentliyi WAM 1 maydan etibarən ölkənin OPEC və OPEC+dən çıxacağını açıqlayıb.
Nazir CNBC-yə müsahibəsində qeyd edib ki, qlobal bazarda tələb-təklif balansı və tədarük məhdudiyyətləri ciddi dəyişikliklər tələb edir və mövcud şəraitdə yeni strategiyaların tətbiqi zəruridir.
O həmçinin vurğulayıb ki, Birləşmiş Ərəb Əmirlikləri qısa müddətdə neft hasilatını artırmaq imkanına malik deyil və regiondakı digər ölkələr kimi mövcud logistik məhdudiyyətlərlə üzləşir.
Əl-Məzrui əlavə edib ki, beynəlxalq enerji bazarları üçün əsas risklərdən biri Hörmüz boğazının bağlanmasıdır və bu marşrutun açıq qalması vacibdir.
Aminə ŞAHSUVARQIZI
