UEFA Çempionlar Liqasının yarımfinal mərhələsində ilk oyunlara yekun vurulub.
AZƏRTAC xəbər verir ki, İspaniyanın “Atletiko Madrid” komandası İngiltərənin “Arsenal” kollektivini qəbul edib.
“Metropolitano” stadionunda reallaşan görüşdə qalib müəyyənləşməyib - 1:1. Hər iki qol penaltidən vurulub. Əvvəlcə qonaqların heyətində Viktor Dyökereş fərqlənib. Son nöqtəni isə meydan sahibi komandadan Xulian Alvares qoyub.
Komandalar arasında cavab mayın 5-də reallaşacaq.
Yarımfinalın ilk görüşündə PSJ Fransada Almaniya “Bavariya”sını 5:4 hesabı ilə məğlub edib.
