ABŞ prezidenti müttəfiq ölkələrin Vaşinqtona münasibətini sərt tənqid edib...
Poliqon xəbər verir ki, Donald Trump ABŞ-ın İspaniya və İtaliya ərazilərində yerləşən bəzi hərbi qüvvələrinin çıxarılmasını mümkün variant kimi dəyərləndirib. O, bu ölkələrin ABŞ-a kifayət qədər dəstək vermədiyini və Vaşinqtonla münasibətlərdə qeyri-qənaətbəxş davranış sərgilədiyini bildirib.
Trampın sözlərinə görə, İspaniya və İtaliya uzun müddət ABŞ-ın təhlükəsizlik strategiyasından faydalansa da, əməkdaşlıq və yük bölgüsü məsələsində gözlənilən səviyyədə iştirak etməyiblər. O, bu vəziyyəti “ədalətsiz balans” kimi qiymətləndirib.
ABŞ prezidenti qeyd edib ki, müttəfiqlərin davranışı Vaşinqtonun xarici hərbi mövcudluq siyasətinə yenidən baxmasına səbəb ola bilər. Onun fikrincə, ABŞ öz resurslarını daha çox əməkdaşlıq edən tərəfdaşlara yönəltməlidir.
Analitiklər bildirirlər ki, belə açıqlamalar NATO daxilində gərginliyi artıra və Avropada ABŞ hərbi mövcudluğunun gələcəyi ilə bağlı yeni müzakirələrə yol aça bilər.
Poliqon.info
