Hollivud ulduzu Şarliz Teron şəxsi həyatına dair təəccüblü açıqlaması ilə gündəmə gəlib.
Publika.az xəbər verir ki, “Youtube” proqramlarından birində qonaq olan 50 yaşlı aktrisa artıq kişi ilə yaşamağa hazır olmadığını açıqlayıb.
O, həyatında əsas prioritetin iki övladı olduğunu vurğulayıb. Aktrisa qeyd edib ki, uşaqları onu görüşlərə getməyə təşviq etməkdə həvəslidirlər, lakin o, artıq sevgilisi ilə eyni evi bölüşmək istəmir:
"Artıq kiminləsə yaşaya biləcəyimi düşünmürəm. Bəlkə də uşaqlar böyüyəndə bu, dəyişəcək".
