ain.az xəbər verir, Azertag saytına əsaslanaraq.
Bakı, 1 may, AZƏRTAC
İqtisadiyyat nazirinin birinci müavini Elnur Əliyev Sudanın infrastruktur və nəqliyyat nazirinin müavini Magdi Mohamed Abdelatifin rəhbərlik etdiyi nümayəndə heyəti ilə görüşüb.
Nazirlikdən AZƏRTAC-a bildirilib ki, görüşdə Azərbaycan ilə Sudan arasında iqtisadi əməkdaşlığın genişləndirilməsi imkanları müzakirə olunub.
Tərəflər qarşılıqlı maraqlara uyğun prioritet sahələrin müəyyənləşdirilməsinin əhəmiyyətini vurğulayıblar. Bu istiqamətdə ticarət və investisiya əməkdaşlığının inkişaf etdirilməsi üçün birgə araşdırmaların aparılmasının vacibliyi bildirilib.
Eyni zamanda iqtisadi sahədə müqavilə-hüquq bazasının genişləndirilməsinin ikitərəfli əlaqələrin inkişafına töhfə verə biləcəyi qeyd edilib.
Sonrakı hadisələr barədə daha çox məlumat almaq üçün ain.az saytını izləyin.
