ABŞ İrana yeni tələb irəli sürdü » AzadMedia.az

ABŞ İranla bağlı nüvə danışıqlarında yeni şərtlər irəli sürüb. Məlumata görə, Ağ Evin xüsusi nümayəndəsi Stiv Uitkoff Pakistan vasitəçiləri üzərindən Tehrana düzəlişlər siyahısı göndərib. Bu barədə Barak Ravid məlumat yayıb.

Mənbənin bildirdiyinə görə, təqdim olunan dəyişikliklər nüvə məsələsinin yenidən razılaşma mətninə daxil edilməsinə yönəlib. ABŞ-ın əsas tələblərindən biri İranın bombalanmış nüvə obyektlərində hər hansı fəaliyyət göstərməməsi ilə bağlı öhdəlik götürməsidir.

Bundan əlavə, Vaşinqton Tehrandan danışıqlar davam etdiyi müddətdə zənginləşdirilmiş uran ehtiyatlarına toxunmamağı tələb edir. Bu addımın məqsədi nüvə proqramı ətrafında gərginliyi azaltmaq və danışıqlar prosesini nəzarətdə saxlamaqdır.

Hazırda tərəflər arasında danışıqların davam etdiyi və vəziyyətin hələ də həssas olaraq qaldığı bildirilir.