Final seriyasında ikinci oyun - "Sabah" fərqi artıra biləcəkmi?

Bu gün Azərbaycan Basketbol Liqasında final seriyasının daha bir oyunu keçiriləcək.

"Football-plus.az" xəbər verir ki, “Sabah” və “Abşeron Lions” münasibətlərə aydınlıq gətirəcəklər.

Bakı İdman Sarayındakı qarşılaşma saat 14.00-da start götürəcək.

Xatırladaq ki, ilk görüşdə “Sabah” qalib gəlib - 98:93. Final seriyasında üç qələbəyə çatan kollektiv Azərbaycan Basketbol Liqasının qalibi olacaq.