Redaktor.az saytından verilən məlumata əsasən, ain.az məlumatı açıqlayır.
ABŞ Dövlət Departamenti İranla münaqişə fonunda Yaxın Şərqdəki müttəfiqlərinə 8.6 milyard dollardan çox mümkün silah satışı sazişlərini təsdiqləyib.
Redaktor.az-ın xəbərinə görə, bu barədə məlumat ABŞ Dövlət Departamentinin saytında yerləşdirilib.
ABŞ İsrailə 992.4 milyon dollar dəyərində qabaqcıl dəqiqlikli öldürmə silah sistemi (Advanced Precision Kill Weapon System - APKWS) lazer istiqamətləndirmə dəstləri və əlaqəli avadanlıqlarla təchiz olunmuş 10 000 raketin satışını təsdiqləyib.
Oxşar müqavilə Qətərlə də təsdiqlənib, eləcə də Qətərə ümumi dəyəri 4.01 milyard dollar olan "Patriot" hava hücumundan müdafiə sistemləri üçün raketlərin satışına icazə verilib. Dövlət Departamenti, həmçinin Qətərə inteqrasiya olunmuş döyüş komandanlıq sistemi (Integrated Battle Command System - IBCS) hava hücumundan müdafiə vasitələri döyüş idarəetmə sistemləri və əlaqəli material-texniki təminat üçün 2.5 milyard dollarlıq müqaviləni təsdiqləyib.
Bundan əlavə, BƏƏ-yə (Birləşmiş Ərəb Əmirlikləri) 147.6 milyon dollarlıq 1500 APKWS dəstinin satışı üzrə müqavilə təsdiqlənib.
Bəyanatlarda iddia olunur ki, müqavilələr ABŞ-nin milli maraqlarına cavab verir və regionda güc balansını dəyişməyəcək. Bundan əlavə, Dövlət Departamenti hesab edir ki, silah satışı üzrə sazişlər ABŞ Silahlı Qüvvələrinin döyüş hazırlığına mənfi təsir göstərməyəcək.
Hadisənin gedişatını izləmək üçün ain.az saytında ən son yeniliklərə baxın.
