Yol tikintisi 350 oranqutandan ibarət dəstənin iki təcrid olunmuş qrupa bölünməsinə səbəb olub.
Moderator.az xəbər verir ki, İndoneziyada məsafədən kameralar ilk dəfə xüsusi asma körpüdən yol keçən oranqutanı çəkib.
Yol tikintisi səbəbindən 350 oranqutan populyasiyasının iki yerə bölünməsi baş verib. Bir qrup Siranqqas vəhşi təbiət qoruğunda, digəri isə Sikulapinq meşəsində qalıb.
Təcrid və qohumluq səbəbindən nəsli kəsilmənin qarşısını almaq üçün Sumatra qranqutan cəmiyyəti və TaHuKah təşkilatı hökumətin dəstəyi ilə magistral yolun üzərində kanat yolu çəkiblər.
Məlumatlara görə, mütəxəssislər ərazini iki il ərzində kamera tələlərindən istifadə edərək izləyiblər. Əvvəlcə körpüyə məhəl qoyulmayıb, lakin zaman keçdikcə digər cəngəllik sakinləri ondan istifadə etməyə başlayıblar: nəhəng dələlər, uzunquyruqlu makakalar, qara Sumatra lanqurları və çevik gibbonlar. Nəhayət, Pakpak Bharat bölgəsində kameraya bir oranqutan çəkilib.
Gənc erkək ehtiyatla tikili kanat boyunca hərəkət edib, yolun yarısında dayanıb, geri baxıb və yalnız bundan sonra yoluna davam edib. Sumatra orangutan cəmiyyətinin baş direktoru Helen Baklend bu uğuru duyğularla təsvir edib.
"Komandanın alqışlarını eşitməli idiniz. İki uzun ildən sonra nəhayət ki, bu baş verdi", - o bildirib.
Zooloqun sözlərinə görə, bu körpü genetik müxtəliflik üçün həyati əhəmiyyətli bir "dəhliz"dir. Əgər heyvanlar meşələr arasında sərbəst hərəkət edə bilmirlərsə, bəzi fərdlər meşədə qalsa belə, onlar qohumluq yolu ilə zəifləyə və nəticədə yox ola bilərlər.
"Oranqutanların həyat dövrü çox yavaşdır və genetik maneələrə çox həssasdırlar", - qadın izah edib. /lent.az/
