BAKI, 3 may. TELEQRAF
ABŞ Prezidenti Donald Trampın Çinə planlaşdırılan səfərinin tarixinin yenidən dəyişdirilməsi nəzərdə tutulmur.
Teleqraf xəbər verir ki, bu barədə ABŞ-nin maliyyə naziri Skott Bessent “Fox News” telekanalına müsahibəsində bildirib.
Nazirin sözlərinə görə, Tramp səfərin təxirə salınmasını planlaşdırmır.
“Bildiyimə görə, o, səfəri yenidən təxirə salmaq niyyətində deyil”, – deyə Bessent qeyd edib.
Qeyd edək ki, ABŞ prezidentinin Çinə səfəri əvvəlcə mart ayının sonuna planlaşdırılmışdı, lakin İranla bağlı müharibə səbəbindən may ayının ortalarına keçirilib.
