İsrailin keçmiş Baş naziri Naftali Bennett HƏMAS-a hər ay böyük məbləğdə nağd pul aparıldığını bildirib.
Bizim.Media xəbər verir ki, Bennett bu barədə açıqlamasında danışıb.
Onun sözlərinə görə, hər ay HƏMAS-a çamadanlarla 30 milyon dollar nağd pul çatdırılırdı.
“Bu, demək olar inanılmazdır. Mən dedim ki, HƏMAS üçün daha nağd pulla dolu çamadanlar olmayacaq”, - deyə İsrailin keçmiş Baş naziri bildirib.
Bennett qeyd edib ki, onun baş nazirliyi dövründə bu praktikanın dayandırılması əsas qərarlardan biri olub.
Keçmiş hökumət başçısı əlavə edib ki, İsrailin təhlükəsizlik siyasətində belə addımların təkrarlanmasına yol verilməməlidir.
Bizim.Media
