"Flightradar24" BƏƏ istiqamətində uçuşlarla bağlı xəbərdarlıq edib.Metbuat.az xəbər verir ki, Dubay və Şarca istiqamətində bəzi aviareyslərdə gecikmələr qeydə alınıb. Məlumata görə, bu vəziyyət hava hücumundan müdafiə sistemlərinin fəaliyyəti ilə əlaqələndirilir. Bəzi təyyarələrin marşrutu dəyişdirilərək Oman üzərinə yönləndirilib. Buna baxmayaraq, Dubay və Şarca hava limanlarında reyslərin əksəriyyəti qrafik üzrə davam edir.Gün ərzində yerli hakimiyyət orqanları əhali və turistləri mümkün raket təhlükəsi barədə bir neçə dəfə məlumatlandırıb. Əbu-Dabi rəsmiləri də sakinlərə ehtiyatlı olmağı və rəsmi göstərişlərə əməl etməyi tövsiyə edib.
