ABŞ-nin idarə olunan raket esminesləri Hörmüz boğazından keçərək Fars körfəzində fəaliyyətə başlayıb.Metbuat.az xəbər verir ki, bu barədə ABŞ Mərkəzi Komandanlığı məlumat yayıb. Açıqlamada Donald Trampın Hörmüz boğazında kommersiya gəmiçiliyini bərpa etməyə yönəlmiş “Azadlıq layihəsi” ətraflı izah olunub. Bildirilib ki, ABŞ Hərbi Dəniz Qüvvələrinin idarə olunan raket esminesləri sözügedən təşəbbüsü dəstəkləmək məqsədilə bölgədə fəaliyyət göstərir.Məlumatda qeyd olunub ki, ABŞ qüvvələri kommersiya gəmiçiliyinin bərpası istiqamətində əməliyyatlarda iştirak edir və bu çərçivədə ABŞ bayrağı altında üzən iki ticarət gəmisi Hörmüz boğazından təhlükəsiz şəkildə keçib.
