Birləşmiş Millətlər Təşkilatının Təhlükəsizlik Şurası (BMT TŞ) Birləşmiş Ərəb Əmirlikləri (BƏƏ) ərazisinə endirilən son zərbələrlə əlaqədar mayın 6-da, çərşənbə günü qapalı məsləhətləşmələr keçirəcək.
Publika.az xəbər verir ki, bu barədə "Al Jazeera" mənbələrə istinadla məlumat yayıb.
Mayın 4-də BƏƏ Müdafiə Nazirliyi hərbçilərin İran tərəfindən dörd qanadlı raketin atılmasını qeydə aldığını bildirib. Qurumdan qeyd olunub ki, raketlərdən üçü ərazi suları üzərində uğurla vurulub, digəri isə dənizə düşüb. Hakimiyyət orqanları həmçinin izah ediblər ki, BƏƏ-nin müxtəlif rayonlarında eşidilən səslər hava hədəflərinin uğurla zərərsizləşdirilməsinin nəticəsi olub.
Daha sonra Fövqəladə Hallar, Böhranlar və Təbii Fəlakətlərin İdarə Olunması üzrə Milli İdarə bəyan edib ki, ölkənin hava hücumundan müdafiə qüvvələri raket təhlükəsinə reaksiya verir.
