Demokrat.az saytına istinadən ain.az xəbər verir.
Hər səhər qəhvə içdikdən sonra fincanın dibində qalan son damlaları və ya süzgəcdə qalan qəhvə çöküntüsünü çox vaxt düşünmədən zibilliyə atırıq. Halbuki bu qalıqlar həm ev bitkiləri, həm də bağdakı güllər üçün faydalı təbii gübrə mənbəyi ola bilər.Demokrat.az xəbər verir ki, qəhvə qalıqları azotla zəngindir. Bu maddə bitkilərin gövdəsinin möhkəmlənməsinə və yarpaqların daha tünd yaşıl rəng almasına kömək edir. Bundan əlavə, qəhvənin tərkibində bitkilər üçün vacib olan kalsium və maqnezium da var. Buna görə qəhvə qalıqlarını tullamaq əvəzinə, onları torpaq üçün əlavə qida mənbəyi kimi istifadə etmək mümkündür.Qəhvəni bitkilərə birbaşa tökmək düzgün deyil. Onu mütləq su ilə qarışdırmaq lazımdır. Məhlul açıq çay rəngində olmalıdır. Adətən bir hissə qəhvəyə üç hissə su əlavə etmək tövsiyə olunur. Bu qarışıqla bitkiləri həftədə bir dəfə suvarmaq həm onların su ehtiyacını ödəyir, həm də torpağı qidalandırır.Qəhvə turş mühitə malikdir. Bu xüsusiyyətinə görə turş torpağı sevən bitkilər üçün daha uyğundur. Afrika bənövşəsi, azaliya, orxideya, beqoniya, siklamen, hortenziya və qızılgül kimi güllər qəhvəli suya yaxşı reaksiya verir. Eyni zamanda bağda yetişdirilən qarağat və bəzi giləmeyvə növləri üçün də bu üsul faydalı sayılır.Bununla belə, hər bitki qəhvəyə eyni şəkildə reaksiya vermir. Qələvi torpağı sevən lavanda, inciçiçəyi və hanımeli kimi bitkilər üçün qəhvə uyğun deyil. Həmçinin sardunya və bəzi çəmən otları üçün də qəhvə qalıqlarından istifadə tövsiyə edilmir.Qəhvə çöküntüsü zərərvericilərə qarşı da təbii vasitə kimi istifadə oluna bilər. Onu bitkilərin dibinə səpməklə bəzi həşəratları və qarışqaları uzaqlaşdırmaq mümkündür. Lakin xüsusilə qızılgül kollarında ehtiyatlı olmaq lazımdır. Çünki, azotun həddindən artıq olması bitkiyə mənfi təsir göstərə bilər.Aytən
Demokrat.az
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
