"İqtisadi artımla bağlı fikirlərimi də bölüşmək istərdim. Bildiyiniz kimi, mart ayının nəticələrinə əsasən, ümumi daxili məhsulun artımı mənfi 0,3% təşkil etmişdi (Azərbaycanda iqtisadiyyat 0,3% kiçilib - red). Neft-qaz sektoru üzrə ümumi daxili məhsulun artımı mənfi 1,2%, qeyri-neft-qaz sektoru üzrə ümumi daxili məhsulun artımı isə müsbət 0,2% olmuşdu".
Marja.az xəbər verir ki, bunu keçirilən mətbuat konfransında Mərkəzi Bankın sədri Taleh Kazımov bildirirb.
Mərkəzi Bankın sədri, "Proqnozlarımız aşağıya doğru revizə olunsa da, ümumi baxışımız nikbin olaraq qalır" deyərək çıxışına belə davam edib.
"2026-cı ildə ümumi daxili məhsulun 1,1%, 2027-ci ildə isə 3,2% artacağı gözlənilir. Qeyri-neft-qaz sektoru üzrə ümumi daxili məhsulun artımının isə 2026-cı ildə 3,2%, 2027-ci ildə isə 4,7% olacağı proqnozlaşdırılır".
