Bizimyol saytından verilən məlumata görə, ain.az xəbər verir.
İsrailin baş naziri Binyamin Netanyahu Qərb sahilindəki Fələstin ərazilərinin faktiki olaraq ilhaqı üçün inzibati və hüquqi mexanizmlərdən istifadə edə bilər.
Bizimyol.info xəbər verir ki, bu barədə "Financial Times" (FT) qəzeti məlumat yayıb.
Qəzetin məlumatına görə, İsrail hökuməti əsas səlahiyyətlərin hərbi strukturlardan mülki idarələrə verilməsini nəzərdə tutan bir sıra qərarlar qəbul edib. Bunlara torpaqdan istifadə və əmlak qeydiyyatı üzərində nəzarətin verilməsi də daxildir. Xüsusilə, İsrail hakimiyyəti əvvəllər Fələstin administrasiyasının idarə etdiyi Xevron şəhəri ərazisində planlaşdırma funksiyalarını öz üzərinə götürməyi planlaşdırır.
Nəşr qeyd edir ki, ekspertlər bu addımları faktiki aneksiya prosesindən hüquqi formada həyata keçirilən aneksiya mərhələsinə keçid kimi qiymətləndirirlər. Dəyişikliklər arasında torpaq alqı-satqısının sadələşdirilməsi, eləcə də İsrail idarələrinin mübahisəli ərazilərdə tikililəri sökmək və infrastruktur üzərində nəzarəti artırmaq səlahiyyətlərinin genişləndirilməsi də var.
Analitiklərin qiymətləndirməsinə görə, belə tədbirlər Oslo razılaşmalarının müddəalarını tamamilə pozaraq İsrailin Qərb sahilindəki nəzarətini gücləndirə və Fələstinlilərin müstəqil dövlət qurmaq ümidlərini zəiflədə bilər.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
