FİFA Ağdam təmsilçisi "Qarabağ"a yeni futbolçuların qeydiyyatı ilə bağlı qadağa qoyub.
QOL.az xəbər verir ki, bu qərar növbəti üç transfer dövrünü əhatə edəcək. Hazırda sanksiyanın hansı səbəbdən tətbiq edildiyi məlum deyil.
"Qafqazinfo"nun məlumatına görə, klubun mətbuat katibi Anar Hacıyev hələlik rəsmi bildiriş almadıqlarını vurğulayıb:
"Problemin nə olduğu bilinmir və bunun ciddi məsələ olduğunu düşünmürük".
Xatırladaq ki, oxşar vəziyyətlə "Neftçi" də üzləşmiş, lakin sonradan problem həll olunmuşdu.
