Birləşmiş Millətlər Təşkilatının Əfqanıstandakı Yardım Missiyası (UNAMA) tərəfindən dərc edilən hesabata görə, 2026-cı ilin yanvar-mart ayları arasında Pakistan və Əfqanıstan arasında baş verən müharibə zamanı 372 Əfqan mülki vətəndaş həlak olub, 397 nəfər yaralanıb.
BMT-nin hesablamalarına görə, ölən və yaralananların ümumi sayından 554-ü mülki kişi, 72-si qadın və 143-ü uşaq olub. Mütəxəssislər qeyd ediblər ki, qeydə alınan ölümlərin yarıdan çoxu 16 martda Pakistanın Kabildəki narkomaniya xəstəxanasına endirdiyi hava hücumu nəticəsində baş verib. Yalnız kişilərin yerləşdiyi bu xəstəxanaya hücumdan əvvəl Əfqanıstanda mülki itkilərin yarıdan çoxu qadın və uşaqlar olub.
UNAMA-nın 2026-cı ildə üç aylıq hərbi münaqişə üçün qeydə aldığı rəqəmlər, Pakistan-Əfqanıstan münasibətlərindəki bütün gərginliklər zamanı 2011-ci ildən bəri qeydə alınan bütün mülki itki rəqəmlərini xeyli üstələyir. 2025-ci ilin oktyabr ayında baş verən əvvəlki münaqişə zamanı hər iki tərəfdən ümumilikdə 87 mülki şəxs həlak olub.
//Samir Qurbanov, Editor.az
