Həm görünüşü ilə göz oxşayan, həm də yüngül dadı ilə hər kəsin bəyənəcəyi klassik çiyələkli tort hazırlamaq istəyirsinizsə, bu resept tam sizin üçündür.
Pravda.az bildirir ki, xüsusilə yay aylarının əvəzolunmaz ləzzəti olan bu tort, xüsusi günlərinizə rəng qatacaq.
Lazım olan məhsullar:
Keks üçün:
Yumurta: 4 ədəd
Şəkər tozu: 1 stəkan
Un: 1 stəkan
Qabartma tozu: 1 paket
Vanil: 1 paket
Kremi üçün:
Süd: 3 stəkan
Şəkər tozu: 1 çay stəkanı
Un: 2 xörək qaşığı
Nişasta (qarğıdalı və ya buğda): 1 xörək qaşığı
Yumurta sarısı: 1 ədəd
Vanil: 1 paket
Krem-şanti: 1 paket (toz halında)
Arası və üzəri üçün:
Təzə çiyələklər (dilimlənmiş)
Hazırlanma qaydası:
Keksin hazırlanması: Yumurta və şəkər tozunu ağarana qədər yaxşıca çırpın. Üzərinə ələnmiş un, qabartma tozu və vanili əlavə edib qarışdırın. Hazırladığınız xəmiri yağlanmış tort qabına tökün və əvvəlcədən 180 dərəcə qızdırılmış sobada bişirin.
Kremin hazırlanması: Süd, şəkər tozu, un, nişasta və yumurta sarısını bir qazana töküb, qatılaşana qədər qarışdıraraq bişirin. Krem bişdikdən sonra ocaqdan götürün, vanili əlavə edib soyumağa qoyun.
Krem-şanti əlavəsi: Tam soyumuş kremin içinə toz halındakı krem-şantini əlavə edin və mikserlə təxminən 5 dəqiqə çırpın. Bu, kremə daha yumşaq və ipək kimi bir tekstura verəcək.
Tortun yığılması: Bişən keksi ortadan iki (və ya üç) yerə bölün. Keksin qatlarını bir az süd ilə isladın. Aralarına hazırladığınız kremdən çəkin və bol miqdarda dilimlənmiş çiyələk düzün.
Bəzədilməsi: Tortun üzərini və kənarlarını qalan kremlə örtün. Üzərini bütöv və ya dilimlənmiş çiyələklərlə zövqünüzə görə bəzəyin.
Gözlətmə: Tortun daha dadlı olması üçün soyuducuda ən az 3-4 saat (mümkünsə 1 gecə) saxlayın.
Əminə Bayramova
