BAKI, 17 may. TELEQRAF
İsrailin paytaxtı Təl-Əvivdə yüzlərlə insan hökumət əleyhinə mitinqdə iştirak edib.
Teleqraf xəbər verir ki, aksiya şəhərin Teatr Meydanında keçirilib.
Solçu fəallar Baş nazir Benyamin Netanyahunun rəhbərlik etdiyi sağçı hökumətin siyasətinə etiraz ediblər. Nümayişçilər növbədənkənar seçkilərin keçirilməsini və demokratik dəyərlərin qorunmasını tələb ediblər.
Məlumata görə, mart ayının sonunda da İsrailin bir neçə böyük şəhərində İrana qarşı hərbi əməliyyatlara etiraz aksiyaları baş tutub.
“The Times of Israel” nəşri yazıb ki, müharibə əleyhinə mitinqlər Təl-Əviv, Hayfa, Qüds və Beer-Şeva şəhərlərində keçirilib.
Polis aksiyalar zamanı 18 nəfəri saxlayıb. Onlardan 15-i Təl-Əvivdə, 5-i isə Hayfada tutulub.
