Çin 2026, 2027 və 2028-ci illərdə ABŞ-dan ən azı 17 milyard dollar məbləğində kənd təsərrüfatı məhsulları almaq barədə öhdəlik götürüb.
AFN.az "Reuters"ə istinadən xəbər verir ki, bu barədə Ağ Evin bazar günü dərc etdiyi məlumat bülletenində bildirilir. Ağ Ev bu qərarın ABŞ Prezidenti Donald Tramp ilə Çin Xalq Respublikasının Sədri Si Cinpin arasında ötən həftə keçirilən görüşlər zamanı qəbul edildiyini açıqlayıb.
Bundan əvvəl isə Tramp "Fox News" telekanalına müsahibəsində Çin liderinin öhdəliklərindən biri kimi Si Cinpinin ABŞ-dan 200 ədəd "Boeing" təyyarəsi sifariş etməyə razılaşdığını bəyan etmişdi.
