Bizimyol saytından əldə olunan məlumata görə, ain.az məlumat yayır.
Yaxın Şərqdəki konfliktin yaratdığı dünya enerji böhranı yay mövsümünün yaxınlaşması ilə yeni mərhələyə qədəm qoyur.
Bizimyol.info xəbər verir ki, bu barədə "Financial Times" qəzeti mənbələrə istinadla məlumat verib.
Qəzetin məlumatına görə, təxminən 80 ölkə iqtisadiyyatlarını qorumaq üçün fövqəladə tədbirlər tətbiq edib. Aberdeen idarəetmə şirkətinin baş iqtisadçısı Pol Diggl qəzetə bildirib ki, Brent markalı neftin barreli 180 ABŞ dollarına çata bilər.
Neft, dizel və aviasiya yanacağının tədarükündə yaranan vəziyyət, həmçinin vətəndaşların kondisionerlərə olan tələbi və xaricə səfərlər arzusu qiymətlərin daha da artmasına səbəb ola bilər. İqtisadçılar dünya ehtiyatlarının rekord sürətlə azalması fonunda neftin qiymətində yeni sıçrayışın mümkünlüyünü qeyd edirlər.
Qəzetə istinadən Avropa Komissiyasının nəqliyyat və turizm üzrə komissarı Apostolos Tsitsikostas bildirib ki, yaxın həftələrdə Yaxın Şərq konfliktinin həll olunmaması “dünya resessiyasını qaçılmaz edə bilər”.
May ayının əvvəlində Rusiya Birbaşa İnvestisiya Fondunun rəhbəri Kirill Dmitriev də dünyanı rekord səviyyədə neft qiymətlərinin artması səbəbindən tarixi enerji böhranının gözlədiyini açıqlamışdı. Dünya enerji bazarındakı vəziyyətin gərginləşməsi ABŞ və İsrailin İran ərazisinə zərbələri və Hörmüz boğazı ətrafında gəmiçilik gərginliyi ilə bağlıdır.
Bizimyol.info
Sonrakı hadisələr barədə daha çox məlumat almaq üçün ain.az saytını izləyin.
