“İranı bombalar və raketlərlə fəth etmək mümkün olmayacaq”.
Bakıvaxtı.az xarici mətbuata istinadən xəbər verir ki, bu bəyanatla İran Prezidenti Məsud Pezeşkian çıxış edib.
“Onlar bombalar və raketlərlə ölkəni fəth edə bilməyəcəklər, lakin parçalanma və nifaqla buna nail ola bilərlər. Birliyin, həmrəyliyin pozulmaması, onların niyyətlərinin isə uğursuzluğa düçar olması üçün səy göstərmək lazımdır”, - dövlət başçısı bildirib.
Pezeşkian ABŞ və İsrailin üç gün ərzində İranda islam quruluşunun çökməsinə nail olmağa çalışdıqlarını, hazırda isə ölkədə ziddiyyətlər yaratmağa yönəlmiş plan hazırladıqlarını diqqətə çatdırıb.
