Avropa Birliyinin diplomatiya rəhbəri Kaya Kallas bildirib ki, inkişaf etməkdə olan ölkələr Rusiya və ya İranı dəstəkləsələr, Avropa onlara yardımı azalda bilər.
Publika.az xəbər verir ki, “Euractiv” platforması onun sözlərini sitat gətirib:
"Əgər tərəfdaş Rusiyanı və ya İranı dəstəkləyirsə, onlar bu halda qarşılıqlı əlaqəmizi yenidən qura bilməyimiz üçün çeviklik nümayiş etdirməlidirlər".
Qeyd olunur ki, Kallas yeni yanaşmanın siyasətdə necə təsbit edilə biləcəyini dəqiqləşdirməyib. Onun sözlərinə görə, Aİ davamlı yardımla öz maraqlarını qorumaq arasında tarazlığı tapmalıdır.
