Unikal.az saytından verilən məlumata görə, ain.az xəbər verir.
"ABŞ və İsrailin hücumları nəticəsində İranın ali lideri və digər yüksək vəzifəli şəxslər müharibənin ilkin mərhələsində öldürüldükdən bir neçə gün sonra Prezident Tramp İranın daxilindən hər hansı bir şəxsin hakimiyyəti ələ keçirəcəyini düşünüb".
"Unikal" xəbər verir ki, bu barədə "The New York Times" qəzeti mənbələrə istinadən yazır.
Məlumata görə, ABŞ və İsrail münaqişəyə xüsusi və çox təəccüblü bir şəxslə - sərt xətt mövqeyində olan, İsrail və Amerika əleyhinə fikirləri ilə tanınan keçmiş İran prezidenti Mahmud Əhmədinejadla giriblər.
Lakin israillilər tərəfindən hazırlanmış və Əhmədinejadla məsləhətləşilmiş "cəsarətli plan" tezliklə uğursuzluğa düçar olub.
Qeyd olunur ki, Əhmədinejad müharibənin ilk günündə Tehrandakı evinə İsrailin hücumu nəticəsində yaralanıb.
"Bu hücum onu ev dustaqlığından azad etmək üçün nəzərdə tutulmuşdu. O, hücumdan sağ çıxdı, lakin yaralandı və plandan məyus oldu", - NYT yazıb.
Bildirilir ki, İranın sabiq prezidenti o vaxtdan bəri ictimaiyyət qarşısında görünməyib və hazırkı vəziyyəti və harada olduğu məlum deyil.
Qəzet xatırladır ki, Əhmədinejad son illərdə İran hakimiyyəti ilə fikir ayrılığı yaşayıb, seçkilərdən kənarlaşdırılıb və ictimai fəaliyyətinə məhdudiyyətlər qoyulub.
Gülayə Mecid
Hadisənin gedişatını izləmək üçün ain.az saytında ən son yeniliklərə baxın.
