ain.az, Ayna saytına istinadən bildirir.
“Bu format tədricən elə bir nöqtəyə çatır ki, bu səviyyədə müzakirə imkanları tükənməyə başlayır”
“Ukrayna, ABŞ və Rusiya arasında üçtərəfli danışıqlar formatı özünü tükəndirir”. AYNA.AZ xarici mediaya istinadən bildirir ki, bu sözləri Ukraynanın xarici işlər naziri Andrey Sibiqa deyib.
"Mənim təəssüratım budur ki, bu format tədricən elə bir nöqtəyə çatır ki, bu səviyyədə müzakirə imkanları tükənməyə başlayır. Bəzən eyni məsələlər bir neçə dəfə müzakirə olunur", - deyə nazir qeyd edib.
Ukraynanın XİN başçısı hesab edir ki, müharibənin sona çatması üçün danışıqlara Avropa İttifaqı nümayəndələrinin cəlb edilməsi prosesi canlandıra bilər. Onun fikrincə, başqa bir seçim dövlət başçıları, yəni Vladimir Putin, Volodimir Zelenski və Donald Tramp səviyyəsində görüş ola bilər ki, bu da Kiyevin israr etdiyi bir məqamdır.
Daha əvvəl, NATO xarici işlər nazirləri ilə görüşdə Sibiqa qeyd etmişdi ki, Ukraynadakı müharibə "dönüş nöqtəsinə çatıb" və buna görə də "sülh səylərinə yeni təkan lazımdır".
ABŞ dövlət katibi Marko Rubio 22 may tarixində Praqada keçirilən mətbuat konfransında oxşar qiymətləndirmə ilə çıxış edib. Onun sözlərinə görə, "atəşkəs danışıqları təəssüf ki, hələ nəticə verməyib".
Onun sözlərinə görə, Vaşinqton üçtərəfli görüşlərdə iştirak etməyə davam etməyə hazırdır, lakin "heç bir yerə aparmayan sonsuz görüşlərdə maraqlı deyil".
Daha ətraflı məlumat və yeniliklər üçün ain.az saytını izləyin.
