.jpg)
BAKI, 28 may. TELEQRAF
Rumıniya Azərbaycan ilə enerji və nəqliyyat sahələrində əməkdaşlığı dərinləşdirməkdə qərarlıdır.
Teleqraf xəbər verir ki, bunu Rumıniyanın xarici işlər naziri Oana-Silvia Toiu sosial şəbəkə hesabında bildirib.
O, Azərbaycan hökumətini və xalqını Müstəqillik Günü münasibətilə təbrik edərək arzularını çatdırıb:
"Rumıniya güclü ikitərəfli Strateji Tərəfdaşlığı bir daha təsdiqləyir və bütün sahələrdə, xüsusilə enerji və nəqliyyat istiqamətlərində əməkdaşlığın dərinləşdirilməsinə tam sadiq qalır. "Yaşıl enerji" dəhlizi və "Qara dəniz-Xəzər dənizi beynəlxalq nəqliyyat marşrutu" layihələri regional bağlılığın genişləndirilməsinə strateji töhfədir".
