ain.az, Azpolitika.az portalına istinadən məlumatı açıqlayır.
Moskvanın Basmannı Məhkəməsi "Uralvaqonzavod"un Xüsusi Texnika üzrə baş direktor müavini Dmitri Semizorovu iki ay müddətinə həbs edib.
“AzPolitika” xəbər verir ki, bu barədə “RBC” məlumat yayıb.
Rusiyanın ən böyük vaqon istehsalçısı və eyni zamanda, ordu üçün əsas tank təchizatçısı olan şirkətin top meneceri dövlətə aid hərbi sifarişi yerinə yetirərkən xüsusilə külli miqdarda mənimsəmə ittihamı ilə (Rusiya Cinayət Məcəlləsinin 160-cı maddəsinin 4-cü hissəsi) ittiham olunub. İşin özü 2025-ci ilin payızında açılıb.
Rusiya Federasiyası İstintaq Komitəsinin məlumatına görə, müqavilə təxminən 130 milyon rubl təşkil edib, hüquq-mühafizə orqanları isə hazırlanan avadanlığın faktiki dəyərinin 80 milyondan çox olmadığını bildirib. Müstəntiqlər cinayət sxeminin iştirakçılarının təxminən 50 milyon rubl fərqi mənimsədiklərini və sonradan vəsaiti nağdlaşdırdıqlarını bildirirlər. Semizorov ittihamları rədd edib.
RBC-nin məlumatına görə, iş üzrə digər iki təqsirləndirilən şəxs 60 yaşlı Semizorovun əleyhinə ifadə veriblər.
İstintaq Komitəsinin fikrincə, bu cinayət faktı ölkənin müdafiə qabiliyyətini təhlükə altına qoyub. Semizorovu 10 ilə qədər həbs cəzası gözləyir.
“AzPolitika.info”
Hadisənin gedişatını izləmək üçün ain.az saytında ən son yeniliklərə baxın.
