ABŞ Hindistanla hərbi-texniki əməkdaşlığı inkişaf etdirməyə və birgə silah istehsalı planına sadiqdir.
Musavat.com-un məlumatına əsasən Sinqapurda keçirilən Şanqri-La Dialoqu beynəlxalq təhlükəsizlik forumunda çıxış edən ABŞ müdafiə naziri Pit Heqset Vaşinqtonun "güclü və mənfəətli Hindistan"da maraqlı olduğunu deyib. Onun sözlərinə görə, bu, "bölgədə güc balansını qoruyacaq": "Biz Hindistanla birgə istehsala sadiqik ki, Javelin tank əleyhinə idarə olunan raket kimi imkanları inkişaf etdirək. Hindistan, xüsusən də Hind okeanında təhlükəsizlik məsuliyyətlərinin payını öz üzərinə götürmək üçün ordusunu modernləşdirir. O, ortaq platformalarımızı təmir etmək və saxlamaq, ABŞ Hərbi Dəniz Qüvvələrinin gəmilərini dəstəkləmək də daxil olmaqla, yüksək texnologiyalı hərbi əməliyyatlar üçün ağır sənaye və logistika imkanlarını qurur".
Qeyd edək ki, 2025-ci ilin fevral ayında Hindistanın Baş naziri Narendra Modi və ABŞ Prezidenti Donald Tramp arasında Vaşinqtonda aparılan danışıqlardan sonra ABŞ-ın Javelin tank əleyhinə idarə olunan raket sistemlərinin və Stryker zirehli personal daşıyıcılarının Hindistanda birgə istehsalına dair razılıq əldə edilib.
Musavat.com
