Bizimyol portalından alınan məlumata görə, ain.az xəbər verir.
Rusiya xarici işlər nazirinin müavini Georgy Borisenko bildirib ki, gələcəkdə ABŞ-ın qlobal təsiri azalacaq və İsrail daim Vaşinqtonun dəstəyinə güvənə bilməyəcək.
Bizimyol.info xəbər verir ki, Borisenko bu fikirləri 6-cı Beynəlxalq Rusiya-Yaxın Şərq Elmi və Ekspert Forumunda səsləndirib.
Forum Yevgeny Primakov Xarici Siyasət Əməkdaşlıq Mərkəzinin Rusiya Elmlər Akademiyasının Şərqşünaslıq İnstitutu tərəfindən təşkil olunub.
“Bizim qənaətimizə görə, çoxqütblü dünyada ABŞ-ın təsiri tədricən azalacaq”, – deyə Borisenko bildirib.
Onun sözlərinə görə, İsrailin ABŞ-ın hər zaman ona yardım edəcəyinə və təhlükəsizliyini təmin edəcəyinə inanması düzgün yanaşma deyil. “Şəxsi fikrimcə, İsrail ABŞ-ın həmişə ona kömək etməyə və onu müdafiə etməyə hazır olacağına həddindən artıq arxalanır”, – deyə Rusiya XİN rəsmisi vurğulayıb.
Borisenko çıxışında beynəlxalq münasibətlər sisteminin dəyişdiyini və güc mərkəzlərinin daha çoxsaylı xarakter aldığını qeyd edib. Onun fikrincə, bu proses qlobal siyasətdə yeni balansın formalaşmasına gətirib çıxaracaq.
Bizimyol.info
Hadisənin gedişatını izləmək üçün ain.az saytında ən son yeniliklərə baxın.
