ain.az bildirir, Ayna portalına istinadən.
“Hazırda Moldovanın MDB çərçivəsində əməkdaşlıq etdiyi çoxsaylı çoxtərəfli iqtisadi müqavilələr mövcuddur”
“Moldovanın Müstəqil Dövlətlər Birliyindən çıxmaq qərarı onun iqtisadi sektoruna zərbə olacaq”. AYNA.AZ xəbər verir ki, bu sözləri Moldovanın Sosialistlər Partiyasının sədri, keçmiş Prezident İqor Dodon "Belarus 1" kanalında yayımlanan müsahibəsində deyib.
Onun fikrincə, Moldova hakimiyyəti bu qərarı Avropanı razı salmaq üçün irəli sürüb.
Ölkənin MDB-dən iqtisadi asılılığından danışan Dodon xatırladıb ki, hazırda Moldovanın MDB çərçivəsində əməkdaşlıq etdiyi çoxsaylı çoxtərəfli iqtisadi müqavilələr mövcuddur.
Bununla belə, siyasətçi müsbət cəhətləri də qeyd edib. O bu cür qərarların bir gecədə həyata keçirilmədiyini vurğulayıb: "Müsbət cəhət odur ki, bu, tez baş vermir. Hazırkı hökumətin reytinqinin aşağı düşdüyünü nəzərə alsaq, hamı başa düşür ki, Moldovada hakimiyyət tezliklə dəyişəcək".
Dodon bildirib ki, Moldova MDB və Avrasiya İqtisadi Birliyi (AİB) platformalarında iştirakını “mütləq bərpa edəcək”.
Sonrakı hadisələr barədə daha çox məlumat almaq üçün ain.az saytını izləyin.
