“Sabah” aparıcı futbolçularından biri Velko Simiçlə müqavilənin müddətini uzadıb.
Msport.az xəbər verir ki, serbiyalı yarımmüdafiəçi daha iki il “bayquşlar”ın sıralarında olacaq. Simiç “Sabah”la yeni müqaviləni azad agent kimi bağladığından, onun keçidi ilə bağlı hər hansı ödəniş edilməyib.
31 yaşlı futbolçu ötən ilin avqust ayında Türkiyənin “Sivasspor” klubundan icarə əsasında “Sabah”a keçmişdi. O, “Sabah”ın heyətində ümumilikdə 34 oyun keçirib, 12 qol vurub və 13 məhsuldar ötürmə edib.
