İspaniyalı mütəxəssis Miçel Sançes yaxın vaxtlarda “Ayaks”ın baş məşqçisi olacaq.
QOL.az xəbər verir ki, bu barədə insayder Fabritsio Romano məlumat yayıb.
Mənbənin iddiasına görə, tərəflər artıq əməkdaşlığın bütün şərtlərini razılaşdırıblar. Rəsmi açıqlamanın bu gün verilməsi gözlənilir.
Miçel Sançes ötən mövsüm “Jirona”nın baş məşqçisi olub. Komanda uğursuz nəticə göstərərək La Liqanı 41 xalla 19-cu pillədə başa vurub və elitadan düşüb.
