ABŞ-ın Kaliforniya ştatının Bakersfield şəhərində naməlum şəxs "Chase Bank" bankının filialına daxil olaraq binada barrikada qurub.
APA xəbər verir ki, bu barədə şəhərin polis idarəsi məlumat verib.
Məlumata görə, hadisə zamanı bankda onunla birlikdə başqa insanlar da olub.
"Məlum olub ki, şəxsiyyəti müəyyən edilməmiş bir kişi banka daxil olub. Hazırda o, naməlum sayda yerli sakinlə birlikdə binanın içərisində barrikada qurub", - polisin məlumatında deyilir.
Hadisə ilə bağlı araşdırma aparılır.
