ABŞ-nin Florida ştatının Tampa şəhər rəhbərliyi səhv məhkəmə qərarına görə 37 ilini dəmir barmaqlıqlar arxasında keçirən 59 yaşlı Robert Dubuaza 14 milyon dollar mənəvi təzminat ödənilməsinə razılıq verib.
Yeniavaz.com xəbər verir ki, bu barədə cümə axşamı “Associated Press” agentliyi məlumat yayıb.
Məlumata görə, Dubuaz 1983-cü ildə Floridada 19 yaşlı Barbara Qremsin öldürülməsində günahkar bilinib. Ancaq 2020-ci ildə 1980-ci illərdə hüquq-mühafizə orqanlarına təqdim olunmayan DNT testində cinayəti başqa bir şəxsin törətdiyi üzə çıxıb. Nəticədə, o vaxta qədər 37 il həbsdə yatmış Dubuaz azadlığa buraxılıb.