Avstraliyalı milyarder Klayv Palmer eyni marşrut xətti ilə hərəkət edəcək “Titanik”in eynisini inşa etməyi planlaşdırır. Layihənin bir milyard funt-sterlinqə başa gələcəyi təxmin edilir.
Sfera.az bildirir ki, milyarder daha təhlükəsiz “Titanik” yaratmaq üçün kifayət qədər pulu olduğunu iddia edir.
Gəmidə çoxlu xilasedici qayıqlar və ən son təhlükəsizlik standartları olacaq.
Milyarderin “Titanik”ə bənzər gəmi yaratmaq ideyasına marağı həmişə olub. Ehtimallara görə, “Titanik II” 2027-ci ildə dənizə çıxacaq.
On illik planlaşdırmadan, uğursuz buraxılışlardan və digər çətinliklərdən sonra avstraliyalı mədən maqnatı Klayv Palmer ikonik gəmiyə olan marağını yeniləmək qərarına gəlib.
Qeyd edək ki, “Titanik” 1912-ci ildə batıb, faciəvi qəza zamanı 1496 nəfər həlak olub. Palmer iddia edir ki, o, bütün bu illər ərzində tarixi gəminin çatışmazlıqlarını araşdırıb. Onun gəmisi “Titanik II” orijinaldan daha yaxşı olacaq. Milyarder etiraf edib ki, irimiqyaslı layihənin üzərində işə başlamaq üçün gəmiqayırma zavodu olmasa da, onun gəmini yaratmaq marağı realdır.
Palmer əvvəlcə tərsanənin Çindəki yerini öyrənib, sonra İngiltərədən Nyu Yorka gəminin keçəcəyi marşrutu yenidən qurub. 2016-cı ildə başlaması planlaşdırılan səyahət və tikinti, təxminən on ilə yaxındır ki, təxirə salınıb. Palmer gecikmədə COVID-19 pandemiyasını günahlandırır. O, ictimaiyyəti əmin edir ki, “Titanik” nüsxəsini yaratmaq üçün nəinki kifayət qədər, hətta lazım olan məbləğdən 10 dəfə çox pulu var. Gəmidə çoxlu xilasedici qayıqlar və ən son təhlükəsizlik standartları olacaq.
Sosial media istifadəçiləri isə milyarderin baxışını ələ salmağa gecikməyiblər.
Palmer tikinti tarixini 2025-ci ilin əvvəlinə təyin edib. İlk “Titanik”in fəlakətli səyahətini təkrarlaması nəzərdə tutulan gəminin Sauthemptondan Nyu-Yorka 2027-ci ilin iyununda üzəcək.
Aysel
Sfera.az
