Ən azı 29 jurnalist son Fələstin-İsrail münaqişəsinin qurbanı olub.
Publika.az xəbər verir ki, bu barədə Beynəlxalq Jurnalistlərin Müdafiəsi Komitəsi məlumat yayıb.
"2023-cü il oktyabrın 7-dən oktyabrın 27-dək hər iki tərəfdən öldürülən 8 mindən çox adamın siyahısına ən azı 29 jurnalist daxil edilib", - hesabatda deyilir.
Təşkilatın aydınlaşdırdığı kimi, bu, Komitənin 1992-ci ildə məlumat toplamağa başlamasından bəri jurnalistlər üçün ən ölümcül dövrdür.
“Media Qəzza zolağında əməkdaşları və jurnalistləri ilə əlaqəni itirdikcə, dünya reallığı görmək imkanını itirir”, - bəyanatda deyilir.
