Türkiyənin "Fənərbağça" komandası UEFA Çempionlar Liqasında mübarizəyə başlayıb.
ILK.AZ Azərtac-a istinadən xəbər verir ki, İstanbul təmsilçisi II təsnifat mərhələsinin ilk oyununda İsveçrədə "Luqano" komandası ilə üz-üzə gəlib. "Stokhorn Arena"da keçirilən görüş qonaqların 4:3 hesablı qələbəsi ilə başa çatıb.
Türkiyə klubunun heyətində Edin Ceko het-trik edib. Digər qolu isə Fərdi Kadıoğlu vurub.
Qeyd edək ki, komandalar arasında cavab matçı iyulun 30-da İstanbulda oynanılacaq. Bu cütün qalibi III təsnifat mərhələsində Fransanın "Lill" kollektivi ilə qarşılaşacaq.
Mənbə: AZƏRTAC
