Sumqayıt, 30 iyul, AZƏRTAC
Sumqayıt şəhərinin mərkəzində yerləşən ticarət mərkəzində yanğın olub. Hadisə səhər saat 05:00 radələrində 32-ci məhəllədə qeydə alınıb.
Fövqəladə Hallar Nazirliyinindən AZƏRTAC-a bildirilib ki, dərhal əraziyə Dövlət Yanğından Mühafizə Xidmətinin qüvvələri cəlb olunub. Alov söndürülüb.
Yanğın nəticəsində təxminən 80 kvadratmetr ərazi yanıb.
Hadisə ilə bağlı araşdırma aparılır.
