Monako şahzadəsi Albert məşuqələrə və uşaqlara xəzinə vəsaitlərini mənimsəməkdə ittiham olunur.
Herbiand.az xəbər verir ki, bu barədə WSJ məlumat yayıb.
Keçmiş xəzinədar Klod Palmero onilliklər boyu knyazlığın hökmdarlarının ailəsində çalışıb, lakin korrupsiya qalmaqalı ilə işdən çıxarılıb. Şahzadə indi maliyyəçi ilə məhkəmə çəkişməsindədir.
“İndi o, guya 22 ildir ki, öz aktivlərinin vəziyyəti və idarə edilməsi şərtləri haqqında heç nə bilmirmiş kimi davranır? O, dövlətin suverenidir! Ya yalan danışır, ya da istefaya getməlidir”, - keçmiş xəzinədar bildirib.
Nəşrin məlumatına görə, 2018-ci ildə şahzadənin göstərişi ilə 15,7 milyon dollar gizli şəkildə Air France-ın keçmiş stüardessası və onun qeyri-qanuni oğlu Aleksandrın anası Nikol Koste ilə əlaqəli hesaba köçürülüb. Palmeronun dediyinə görə, Albert həmçinin, məşuqəsinə Londonda butik saxlamağa kömək edib və əlavə olaraq oğlu üçün sığorta rəsmiləşdirib.
2023-cü il avqustun sonunda Monako şahzadəsi Şarlinin İsveçrədə yaşadığı və əri Şahzadə II Albert ilə “yalnız təyinatla” görüşdüyü barədə məlumatlar yayılıb. Cütlüyə yaxın mənbə Fransanın “Voici” qəzetinə bildirib ki, Şarlin və Albert ər-arvad görüntüsü yaradırlar.
Bəxtiyar CƏFƏRLİ
