BAKI, TurkicWorld
AK Partiya sözçüsü Ömər Çelik İsrailin Qəzzaya humanitar yardım çatdırmaq üçün yola çıxan Madleen adlı gəmiyə hücumunu şiddətlə qınadıqlarını bildirib.
TurkicWorld xəbər verir ki, AK Partiya sədr müavini və partiya sözçüsü Çelik sosial media hesabında paylaşdığı paylaşımda İsrailin Madleen gəmisinə hücumuna sərt reaksiya verib.
"Madleen" adlı gəmiyə İsrailin müdaxiləsini şiddətlə qınadıqlarını ifadə edən Çelik, "Bütün dünya bu hücumu sifariş edən və həyata keçirənlərin məsuliyyətə cəlb edilməsi üçün əməkdaşlıq etməlidir" - deyə qeyd edib.
Çelik belə davam etdi;
Madleen gəmisi bəşəriyyət adına Qəzzaya yardım aparmağa çalışarkən beynəlxalq sularda İsrailin təcavüzü ilə qarşılaşıb. İsrailin humanitar yardımın əngəllənməsindən silah kimi istifadə etdiyi bir daha görünüb.
Bütün dünya İsraili qınamalı və bu təcavüzə qarşı konkret tədbirlər görməlidir.
Qeyd edək ki, İsrail hərbçiləri, Qəzzaya yardım göndərmək məqsədilə yola çıxan "Madleen" adlı gəmini ələ keçirib və gəmidəki 12 fəalı, o cümlədən Qreta Tanberqi həbs edərək gəmini Aşdod limanına gətirib.
İsrailin qanunsuz blokadasına qarşı açıq etiraz olaraq Fələstin tərəfdarı Azadlıq Donanması Koalisiyası (FFC) tərəfindən təşkil edilib.
Azadlıq Donanması Koalisiyası, Telegram üzərindən "SOS! Madleen gəmisindəki könüllülər İsrail qüvvələri tərəfindən oğurlanıb" mesajını yayımlayaraq, gəminin ələ keçirildikdən sonra əlaqənin kəsildiyini bildirdi.
Canlı yayımlanan görüntülərdə, İsrail gəmilərinin "Madleen" gəmisini əhatə etdiyi və fəallara əllərini havaya qaldırmağı əmr etdiyi görünür. Gəmi, Qəzzaya humanitar yardım göndərməyi və oradakı böhrana diqqət çəkməyi hədəfləyirdi.
Həmçinin, HƏMAS hərəkatı, beynəlxalq ictimaiyyəti İsrailin yardım gəmisinə qarşı amansız hücumunu pisləməyə çağırıb.
Birləşmiş Millətlər Təşkilatının Fələstindəki insan hüquqları üzrə xüsusi müşavirəsi Francesca Albanese, gəminin işğalçı qüvvələr tərəfindən ələ keçirilməsindən sonra, Britaniya hökumətinə dərhal tədbir görməyi və gəmini və sərnişinlərini azad etməyə çalışmasını tövsiyə edib.
Albanese, Azadlıq Donanması Koalisiyasının əməliyyatını dəstəkləyərək, digər gəmilərə Qəzza blokadasına qarşı mübarizə aparmalarını çağırıb.
