Yardımlıda ölümlə nəticələnən yol qəzası baş verib.
Avtosfer.az oxu.az-a istinadən xəbər verir ki, hadisə rayonun Urakəran kəndində baş verib. Kənd sakini Yaqub Rafiq oğlu Qəliyev idarə etdiyi "Belarus" markalı, 65-T-211 dövlət qeydiyyat nişanlı traktoru qoşqu ilə birlikdə aşırıb, nəticədə aldığı xəsarətlərdən hadisə yerində ölüb.
Faktla bağlı Yardımlı Rayon Prokurorluğunda araşdırma aparılır.
