Misirin dövlət aviaşirkəti EgyptAir regionda vəziyyətin gərginləşməsi fonunda İraq, İordaniya və Livan paytaxtlarına uçuşları ləğv edib.
Ucnoqta.az xəbər verir ki, bu barədə Misirin Mülki Aviasiya Nazirliyi öz Facebook səhifəsində məlumat yayıb.
Qeyd olunur ki, “EgyptAir Yaxın Şərqdə baş verən hadisələr və müvafiq olaraq İraq, İordaniya və Livanın hava məkanının bağlanması fonunda Bağdad, Əmman və Beyruta uçuşları ləğv edib.
Nazirlik əlavə edib ki, İsrailin İrana zərbəsi və gözlənilən cavabı fonunda marşrutunu dəyişmək məcburiyyətində qalacaq bütün təyyarələri yerləşdirmək üçün Misirin bütün hava limanları hazırda “yüksək xəbərdarlıq rejimində” işləyir.
Qahirə Beynəlxalq Hava Limanı uçuş marşrutunu dəyişmək məcburiyyətində qalan ən azı doqquz təyyarəni artıq yanacaqla doldurub: onların hamısı yanacaq alıb.
Mülki Aviasiya Nazirliyi Misirin hava məkanının hazırda açıq, təhlükəsiz və normal fəaliyyət göstərdiyini vurğulayıb.
