Məhəmməd Pakpur İslam İnqilabı Keşikçiləri Korpusunun (SEPAH-ın) yeni Baş komandanı təyin edilib.
Busaat.az-ın xəbərinə görə, bu barədə İranın Müdafiə Nazirliyi məlumat yayıb.
O, İsrailin bu gecə hücumu zamanı öldürülən SEPAH Baş komandanı, general-mayor Hüseyn Səlamini əvəz edəcək.
İsrailin hücumu nəticəsində öldürülən İran Silahlı Qüvvələrinin Baş Qərargah rəisi general-mayor Məhəmməd Baqirinin yerinə də təyinat olub. Bu vəzifə Əbdülrəhim Musəviyə tapşırılıb.
İranın Ali Rəhbəri Seyid Əli Xamenei admiral Həbibullah Sayarini İran Silahlı Qüvvələrinin müvəqqəti Baş Qərargah rəisi təyin edib.
Busaat.az bu barədə İran KİV-ə istinadən məlumat yayıb.
Həmçinin yeni təyinata əsasən, general-mayor Əhməd Vahidi İslam İnqilabı Keşikçiləri Korpusunun (SEPAH) yeni komandiri təyin edilib.
Qeyd edək ki, İsrailin gecə zərbəsi nəticəsində İran Silahlı Qüvvələrinin Baş Qərargah rəisi general-leytenant Mohammad Baqeri və İranın İslam İnqilabı Keşikçiləri Korpusunun (SEPAH) baş komandanı general-mayor Hüseyn Səlami həlak olub.
