İsrail Hərbi Dəniz Qüvvələrinin (HDQ) gəmiləri İranın səkkiz pilotsuz uçuş aparatını (PUA) məhv edib.
Bu barədə Bizim.Media İsrail Müdafiə Ordusunun (SAXAL) Mətbuat Xidmətinə istinadən xəbər verir.
Bildirilir ki, dronlar ilk dəfə "Barak Maqen" hava hücumundan müdafiə sistemindən və LRAD uzaqmənzilli raketdən istifadə edilməklə vurulub.
Əməliyyat başlayandan bu günə kimi isə İsrail HDQ İranın 25 PUA-sını məhv edib.
İranın hava hücumundan müdafiə sistemləri isə öz növbəsində ölkənin nüvə obyektinin yerləşdiyi Natanz üzərində İsrailin hədəflərini məhv edib.
Məlumata görə, hava hücumundan müdafiə qüvvələri gecə saat 01:00-dən səhər saatlarına qədər İsrailin hücumunu dəf edib.
Qeyd edək ki, bu, İsrailin bu obyektə ilk hücumu deyil.
Bizim.Media
