Azərbaycanın aparıcı şirkətlərindən olan “AS Group” ilə Mərkəzi Asiyanın qabaqcıl developer şirkətlərindən biri sayılan “BI Group” strateji tərəfdaşlıq çərçivəsində həyata keçirəcəkləri "4You Baku" premium yaşayış kompleksi layihəsini ictimaiyyətə təqdim etdilər.
Təqdimat mərasimi Qazaxıstan Respublikasının Azərbaycandakı səlahiyyətli səfiri Alim Bayelin açılış nitqi ilə başladı. Səfir, iki ölkə arasında möhkəmlənən iqtisadi və mədəni əlaqələrin bu kimi layihələrlə daha da dərinləşdiyini vurğuladı.
Daha sonra “AS Group” şirkətinin təsisçisi Şahin Mövsümov və “BI Group” şirkətinin baş direktoru Aydın Rahimbayev çıxış edərək, tərəfdaş şirkətlərin regionda reallaşdırdığı layihələr, eləcə də “4You Baku” kompleksinin iqtisadi və memarlıq baxımından əhəmiyyəti haqqında ətraflı məlumat verdilər.
Layihənin memarı, Türkiyənin məşhur Reta Project şirkətinin rəhbəri Hayr Baysak isə “4You Baku” kompleksinin dizayn xüsusiyyətləri, funksionallığı və müasir şəhərsalma prinsiplərinə uyğunluğu barədə təqdimatla çıxış etdi.
Tədbirdə şəhərsalma və daşınmaz əmlak sahəsinin ekspertləri, media nümayəndələri, blogerlər, ictimai xadimlər, iştirak edirdilər. "4You Baku" layihəsinin ilkin satış mərhələsinə də məhz bu tədbir çərçivəsində rəsmi olaraq start verildi.
Qonaqlar üçün maraqlı və interaktiv fəaliyyətlər də təşkil olunmuşdu: lotereya çəkilişində qaliblər müəyyən olunaraq xüsusi hədiyyələrlə mükafatlandırıldılar, virtual reallıq (VİAR) texnologiyası vasitəsilə layihənin məkanına immersiv baxış imkanı yaradıldı. Tədbir zövqlə hazırlanmış furşet və musiqili-bədii proqramla davam etdi.
1995-ci ildə əsası qoyulmuş “BI Group” indiyədək doqquz ölkədə layihələr həyata keçirmiş və 7 milyon kvadratmetrdən artıq yaşayış sahəsi inşa edərək, təxminən 500 min Qazaxıstan vətəndaşını mənzillə təmin etmişdir. Holdinq yaşayış, kommersiya və infrastruktur tikintisini, eləcə də sənaye layihələri və daşınmaz əmlakın idarə olunması sahələrini inkişaf etdirir. Hazırda şirkət Mərkəzi Asiya və Qafqaz ölkələrində, həmçinin ABŞ, Birləşmiş Ərəb Əmirlikləri və Səudiyyə Ərəbistanı Krallığında fəaliyyət göstərir.
“AS Group” 2003-cü ildən etibarən dövlət və özəl sektor üçün kompleks layihələrin icrasında öncül rol oynayır. Şirkət tikinti, daşınmaz əmlak, kənd təsərrüfatı, sənaye, nəqliyyat-logistika, bərpa olunan enerji və HoReCa sahələrində uğurla fəaliyyət göstərir. “AS Group” eyni zamanda, beynəlxalq layihələr vasitəsilə ölkəyə xarici investisiyaların cəlb olunmasında da mühüm töhfələr verir. Şirkət və onun layihələri haqqında daha ətraflı məlumat almaq üçün www.asgroup.az saytına daxil ola bilərsiniz.
