İran Hayfadakı “Yelkən qülləsi” binasında yerləşən İsrail hökumət binalarına raket zərbəsi endirib.
Musavat.com xəbər verir ki, hazırda ikisinin ağır olmaqla 15 nəfərin yaralandığı bildirilir.
İran İsrailin cənubundakı ərəb qəbiristanlığına birbaşa zərbə endirib. İsrailin cənubunda üç zərbə endirilib.
İran ordusu İsrailə super ağır raketlər və pilotsuz təyyarələrlə yeni irimiqyaslı zərbə endirdiyini açıqlayıb.
Digər tərəfdən İsrail ordusu Əhvaz vilayətində İslam İnqilabı Keşikçiləri Korpusunun (SEPAH) qərargahına zərbələr endirib.
İran mediası xəbər verir ki, iyunun 19-da İranın Şərqi Azərbaycan vilayətinin Bostanabad rayonuna endirilən zərbələr nəticəsində SEPAH-ın 11 üzvü həlak olub.
Bundan əvvəl İsrail ordusu bəyanat yayaraq bildirib ki, İDF İranın mərkəzi və qərbində hərbi infrastruktura zərbələr endirib.
Musavat.com
