"Səudiyyə Ərəbistanı İranın qardaş Qətər dövlətinə qarşı başlatdığı hücumu ən güclü ifadələrlə qınayır".
Moderator.az xəbər verir ki, bu barədə Səudiyyə Ərəbistanı Xarici İşlər Nazirliyinin "X" sosial şəbəkə hesabında yaydığı məlumatda deyilir.
Bildirilir ki, bu hücum beynəlxalq hüquq və mehriban qonşuluq əlaqələrinin açıq şəkildə pozulmasıdır:
"İranın hücumu qəbuledilməzdir və heç bir şəkildə haqlı göstərilə bilməz. Səudiyyə Ərəbistanı qardaş Qətər dövləti ilə həmrəydir və tam dəstəyini ifadə edir. Ölkəmiz Qətərin bütün təşəbbüslərində dəstəkləmək üçün öz resurslarını səfərbər etməkdədir".
Xatırladaq ki, İran Qətərdəki "Əl-Udeyd" Amerika aviabazasına raketlərlə hücum edib.
